Тошкент шаҳридан Москва шаҳрига учган СУ1871 рейсли самолёт дронлар ҳужуми сабабли Қозонга қўнганлиги тўғрисида

Жорий йилнинг 28 майда Россиянинг Москва шаҳридаги аэропортларига дронлар орқали амалга оширилган ҳужумлар ва йўловчиларни хавфсизлигини таъминлаш мақсадида Россиянинг “Аэрофлот” авиакомпаниясига тегишли бўлган “Тошкент-Москва” СУ-1871 рақамли авиарейсини амалга ошираётган самолёт Татристон Республикасининг Қозон шаҳрига М.Тўқай номидаги ҳалқаро аэропортга фавқулотда қўнишни амалга оширди. Россиянинг Москва шаҳридаги аэропортларидаги хавф ва хатарлар бартараф этилганига қадар йўловчилар Қозон шаҳридаги аэропортда сақланиб келинганлиги Ўзбекистон Республикасининг Қозон шаҳридаги Бош консулхонаси маълум қилади.

Бош консулхона Қозон шаҳридаги М.Тўқай номидаги ҳалқаро аэропорт муттассади ташкилотлар билан доимий алоқада бўлиб келмоқда.