Бош консулхона ахбороти
Ўзбекистон Республикасининг Қозон шаҳридаги Бош консулхонаси қуйдагиларни маълум қилади, жорий йилнинг 27-июнь куни Самара вилояти “Самара-Большая Черниговка” автомагистралининг 110 км. тахминан 6 нафар юртдошларимиз иштирокида йўл транспорт ҳодисаси содир бўлган.
Бахтсиз ҳодиса натижасида 5 нафар Ўзбекистон фуқароси ҳалок бўлганлигини, 1 нафар фуқаро оғир аҳволда “Большеглушицкая” Давлат тиббиёт муассасасига етказилганлигини маълум қиламиз.
Бош консулхона жамоаси номидан ҳалок бўлганларнинг оила аъзоларига самимий ҳамдардлик билдириб, жабрланган фуқаромизга тезроқ соғайиб кетишини тилаб қоламиз.
Ҳозирда қурбонларнинг жасадларини Ватанга қайтариш ишлари олиб борилмоқда.
Ушбу масала Бош консулхона назоратида бўлиб, Самара вилояти маъмурияти ва масъул идоралари билан доимий алоқа ўрнатилган.